በጅቡቲ የኢ.ፌ.ዲ.ሪ ኤምባሲ በጅቡቲ ከሚገኘው የዓለም አቀፉ የፍልሰተኞች ድርጅት ቢሮ ጋር በመተባባር 46 ሴት ፍልሰተኞችን ጨምሮ 142 ፍልሰተኞችን ወደ ሀገራቸው እንዲመለሱ አድርጓል።
ፍልሰተኞቹ ወደ መካከለኛው ምስራቅ ለመሻገር ጅቡቲ ከገቡ በኋላ ደላሎች ምድረበዳ ላይ ተሰውረውባቸው በIOM መጠለያ ጣቢያ የገቡ ናቸው፡፡
ፍልሰተኞቹ በህገወጥ የሰዎች አዘዋዋሪዎች በመካከኛው ምስራቅ አገራት በአጭር ጊዜ ለመክበር በሚል የቀቢጸ ተስፋ ምኞት ተታልለውና ከፍተኛ ገንዘብ ከፍለው ነው ከሀገራቸው የወጡት፡፡
ከኢትዮጵያ- ጅቡቲ- የመን የሚደረገው ህገ-ወጥ የሰዎች ፍልሰት በሞትና ልዩ ልዩ አደጋዎች የተሞላ በመሆኑ፣ ኤምባሲው የአገራችን ወጣቶች በህገ-ወጥ ደላሎች የውሸት ስብከት በመታለል ውድ ህይወታቸውን አደጋ ላይ ጥለው በዚህ አደገኛ የጉዞ መስመር ከመንቀሳቀስ እንዲቆጠቡ መልዕክቱን ያስተላልፋል።
